No Image
No Image

Bakı üç erməni hərbçini sərbəst buraxdı

Bakı üç erməni hərbçini sərbəst buraxdı
Bakı xoş niyyətini nümayiş etdirərək üç erməni hərbçini sərbəst buraxıb.

Sfera.az  xəbər verir ki, Azərbaycan Prezidenti İlham Əliyevin növbəti dəfə nümayiş etdirdiyi humanizmə və humanist siyasətə uyğun olaraq, 10 noyabr 2020-ci ildə imzalanmış üçtərəfli bəyanatdan sonra Qarabağda tərksilah edilmiş və barələrində həbs qətimkan tədbiri seçilmiş üç nəfər Ermənistan silahlı qüvvələrinin hərbi qulluqçusu azad edilib.

Həmin şəxslər yaxın saatlarda Rusiya sülhməramlılarının komandanı Rüstəm Muradovun müşayiəti ilə Bakı-İrəvan istiqamətində uçuş edəcək hərbi təyyarə ilə İrəvana çatdırılacaqlar.

Azad olunan şəxslər bunlardır: Rovert Vardanyan, Şuxyan Samvel, Tamrazyan Seyran.

İstintaq prosesi çərçivəsində Ermənistan vətəndaşları olan bu şəxslərin Ermənistan silahlı qüvvələrinin hərbi qulluqçuları olması təsbit edilsə də, onların əməllərində cinayət tərkibi, o cümlədən mülki və ya hərbi Azərbaycan vətəndaşlarının öldürülməsi və ya yaralanması ilə nəticələnən əməliyyatlarda iştirakı müəyyən edilməyib. 

Azərbaycanın nümayiş etdirdiyi yüksək humanizm siyasətinə Ermənistan tərəfindən humanizm prinsipləri ilə cavab verilmir.

Ermənistan minalanmış ərazilərin xəritələrini hələ də gizlədir. Minalanmış ərazilər mülki və hərbi şəxslərin ölümü və yaralanması ilə nəticələnir.

Birinci Qarabağ müharibəsi dövründən itkin düşmüş hesab olunan 4000-dən artıq Azərbaycan vətəndaşı barəsində Ermənistan tərəfindən məlumat verilmir. Onların əksəriyyəti öldürülüb və kütləvi məzarlıqlarda basdırılıb. Belə məzarlıqlardan biri Kəlbəcərin Başlıbel kəndində müəyyən edilib.

Birinci Qarabağ müharibəsində Ermənistan tərəfdə əsirlikdə olduğu və sağlığı Beynəlxalq Qızıl Xaç Komitəsi tərəfindən də təsbit edilmiş və müxtəlif yazışmalar aparılmış Azərbaycan vətəndaşları barəsində Ermənistan hələ də məlumat vermir. Yəqin ki, həmin şəxslər işgəncələrlə öldürülüblər. Amma Ermənistan onlar barəsində hər hansı məlumat verməkdən boyun qaçırır.

Ona görə də Ermənistan hansı əsaslarla humanizmdən danışır və hətta bu əsaslarla Azərbaycana qarşı iddialar irəli sürür.
 
(Caliber.az)
Sehliyali
Turan Bank

OXŞAR XƏBƏRLƏR

DTX əməkdaşları Ümummilli lider Heydər Əliyevin xatirəsini yad ediblər - FOTO

DTX əməkdaşları Ümummilli Liderin əziz xatirəsini yad etmişlər. Sfera.az xəbər verir ki, müstəqil Azərbaycanın memarı və qurucusu Ümummilli Lider Heydər Əliye...

Space TV-nin yeni rəhbəri istefa verdi - SƏBƏB

Bir neçə gün əvvəl "Space" teleradio şirkətinə rəhbər təyin olunan Ülviyyə Mikayılova istefa verib. Sfera.az Nyus24.az-a istinadən xəbər verir ki, Ü.Mikay...

Mayın 16-dək ölkə ərazisində ictimai nəqliyyat işləməyəcək

Bu gündən Ramazan bayramı ilə əlaqədar 1 həftə bütün ölkə ərazisində ictimai nəqliyyatın fəaliyyəti dayandırılıb. Sfera.az-ın məlumatına görə, bu barədə N...

Hava ilə bağlı əhaliyə xəbərdarlıq edildi – Yenə külək…

Mayın 9-da gündüz Bakıda və Abşeron yarımadasında cənub-qərb küləyinin əsəcəyi, 15-18 m/s, arabir 20-23 m/s, mayın 10-da isə şimal-qərb küləyinin əsəcəyi, 15-20...

Üç hakim işdən çıxarıldı, ikisinə töhmət verildi

Bu gün Məhkəmə-Hüquq Şurasının videokonfrans formatında iclası keçirilib. Sfera.az xəbər verir ki, iclasda hakimlər barədə qiymətləndirmə materialları h...

Şahin Mustafayevə ağır itki

Baş nazirin müavini Şahin Mustafayevə ağır itki üz verib. Sfera.az xəbər verir ki, onun atası Abdulla Mustafayev 89 yaşında Qazax rayonunun Qaymaqlı kəndi...